會員登入 >>新會員登記
  名稱
  密碼
  >>忘記密碼 [登入]
 
 
 
蘋果日報 2010-01-31
 
 
坦白講,睇完荷李活科幻片《阿凡達》(Avatar),要扮片中強悍的外星人土著Na-vi戰士,香港堪輿界中除卻蘇民峰別無他選,難得今年50歲的蘇民峰童心未泯陪我們玩,樂意各位讀者開心。塗上一身藍色油彩的阿凡峰,形神俱似,以為熱愛遊世界的他會夢想漫遊潘朵拉星,再趁機識番個土著女友,誰知阿凡峰心中只惦念峰嫂,拍完照急急腳赴約撐腳。

荷李活電影《阿凡達》熱潮席捲世界各地,蘇民峰crossover《阿凡達》的外星人Na-vi土著,豈只天下無敵,簡直笑爆全城。肖鼠年屆半百的蘇民峰,日前爽快應允扮「阿凡峰」贈興,拍攝當日他準時現身,甫進影樓即埋位上妝,效率十足。 他表示本想先看過電影,惜礙於未有時間買票進場,故全權將變身責任交託化妝師,其間表現得非常合作,有求必應。

在鏡前坐足兩粒鐘上妝,蘇民峰依然腰板挺直,還不時講爛gag搞氣氛,先自嘲變化石,當化妝師將油彩掃上身時,他又說..「感覺凍冰冰。」為配合造型紮辮時,擁招牌M字額的他不避忌地說..「我無人地《阿凡達》咁多頭髮,使唔使加番執。」現場一致通過讓蘇民峰保留其招牌額,他又順攤附和。完成化妝後,問蘇民峰可滿意造型時,他順得人地說:「我對出效果有意見,最緊要大家鍾意。」

逾20萬金勞大友
過往曾反串梁詠琪,扮過哈里波特,甚至近日應景扮埋老虎,到底哪個造型最心水?蘇民峰說:「我最鍾意扮番蘇民峰,唔化妝就唔使煩。」話雖如此,阿凡峰上身的他在鏡頭前後生鬼到你唔信,一時拉弓射箭,一時凌空踢腳,甚至耍埋詠春和泰拳,身手敏捷。扮過足癮後,他表示仍要入場睇戲,皆因女友之命不能違。

農曆大年初一正值情人節,問蘇民峰會給女友甚麼驚喜?他把口甜到漏地說:「冇喎,我情人節、復活節同聖誕節都唔會送禮物俾女朋友,一星期又蒲三晚,我真係日日都做節,日日都生日,我覺得要慶祝人,因為平時唔開心,我日日都咁開心,又使乜過節先慶祝。」

問到蘇民峰除了送上一顆真心給女友,過去曾送過甚麼特別禮物時,他說:「女朋友見到王菲戴金勞,佢又話好想要,我舊年去瑞士旅行,我咪買隻20幾萬俾佢,佢寧要Man Size唔要Boy Size,女仔手好幼,金勞差唔多兩磅重,所以佢每次戴都扭親手,仲要睇跌打,家都戴唔到,惟有放保險箱用欣賞。」

蘇民峰又爆女友早前要求買平治吉普車,新鮮感過後已將座駕打入冷宮,不過他仍維護女友說:「佢其實好慳家,平時買衫最孤寒,佢貴過1萬就唔捨得買,但佢唔會亂使錢。」蘇民峰與女友拍拖近20年,為何仍不給女友名份,他抵死地說:「名唔名份唔緊要,佢最緊要銀行戶口到錢。」

身為堪輿師,難免忍不住手為自己推算運程,蘇民峰也不例外,他說..「我一早推算到自己25歲到45歲會行大運,45歲到55歲就平平穩穩,55歲到85歲仲會有30年好運,早年我算到自己05年會減產,04年工作量太大,我搞到身體都差晒,之後我悟出今後日子要好好享受人生,決定做師傅係副業,正職係投資生財。」

蘇民峰享受人生的方法,就是一年最少旅行10次,每次必定豪玩、豪食和豪買,他豪氣地表示全年旅費高達200萬,這筆錢足夠買到一個小單位,蘇民峰說..「我去旅行一定要豪,我最鍾意去米蘭同東京買新裝,如果年要做電視節目, 好多鏡要出,年就買多新衫,我唔係天生購物狂,只係為工作睹。」

發達之路 買舖收租養老
虎年將至,人人都想新一年財星高照,銀行戶口數字多幾個位,已躋身億萬富豪行列的蘇民峰,自有一套生財之道,除了擅用玄學掌握投資天機,還要配合獨到眼光和膽量。

睇好中國基金
蘇民峰說..「作為打工仔,單係打份工一定儲唔到錢退休,我建議後生仔開始打工,儲到錢就要學投資,我都係咁買股票同地產,家尖沙嘴同中環擁有10間舖,夾夾埋埋總值幾億,單係用租金都夠養老。」蘇民峰愛買舖多過買樓,他說:「因為旺舖唔愁租唔出去。」

不過年輕人想投資,未必夠資金付首期,蘇民峰說:「咁可以先買股票,大家怕風險,我建議佢買A50中國基金同盈富基金,一定唔會變廢紙,就算買匯豐 同恆生都好安全,我只嫌恆生升得較慢。信我好過信專家,教人投資慨人仲窮過你。」
 
   
蘋果日報 2010-03-25
   
成報 2010-03-16
   
Lime February
   
忽然一周 2010-02-05
   
蘋果日報 2010-01-31
   
都市日報 2009-11-17
   
MR Magazine 2009-2月
   
星島日報 2009-01-31
肖牛、肖羊及肖雞:駕車要小心
   
星島日報 2009-01-31
虛火勿追價 西南區樓市續旺
   
太陽報 2009-01-28
   
忽然一週 2008-11-28
峰So玄理
   
忽然一週 2008-11-21
峰So玄理
   
新假期 2008-02-18
新成員-飲食男子組 向世界出發煮出真味
   
文匯報 2007-12-10
蘇民峰嘆世界 不忘老本行
   
太陽報 2007-11-28
陷布拉格王宮迷陣
   
太陽報 2007-11-20
布拉格的魔鬼教堂